好喇，今次我地講”靈敏”
”靈敏”性係我地隨意支配人體嘅能力
同”速度”一樣”靈敏”可分為“移動靈敏”、“動作靈敏”、“反應靈敏”，再多一樣”平衡”等
1)“移動靈敏”
人體快速改變運動狀態的能力，當中包括:加速、減速、急停、變向、正向跑、後跑、橫跑等。“移動靈敏”係需要一個非常高的要求，因為“移動靈敏”要綜合力量與速度才能發揮好表現，“移動靈敏”訓練係多項球類運動都非常需要的，反而一哋體能訓練愛好者就經常忽略“移動靈敏”訓練。
2)“動作靈敏”
講求快速改變身體姿態以及動作協調性的能力。
又以出拳為例 : 出一拳講求“動作速度”，但當要出連環3拳的時候就講求“動作靈敏”較多，“動作靈敏”的強與弱其實同“移動靈敏”一樣講求多項表現綜合性，它要求”連貫性”、”穩定性”、”準確性”、”力度”和”速度”。
3)“反應靈敏”
“反應靈敏”係指人體判斷外界信號之後能否做出正確動作的能力，我地平時進行反應訓練係強化“反應靈敏”，即判斷外界信號之後的過程，而通過多次練習來建立精準的條件反射。而“反應靈敏”強與弱的一個重要因素叫”感覺統合能力”係青少年最需要重點發展嘅一項能力。
今次講嘅”靈敏”算係較為複雜的一類，但係如果你能夠細心咀嚼分析當中的分別，對喜愛球類運動嘅你係訓練上一定有好大幫助!
Search